Гадны шашны урсгалууд сүүлийн жилүүдэд манайд ихээр орж ирэх болсон. Хаа сайгүй л оройдоо загалмай хатгасан байшин барилгууд баригдаж, хүүхэд багачууд “Их эзэн”-дээ баярлалаа гэж “хэлд орж” байгаа нь үүнийг гэрчлэх биз. Хэдийгээр хүний шашин шүтэх эс шүтэх нь Үндсэн хуулиар олгогдсон эрх байдаг хэдий ч замбараагүй олгогдож байгаа шашны байгууллагын зөвшөөрлийг эргэн харах цаг нь нэгэнт болжээ.
Өнөөдөр нийслэл хотод үйл ажиллагаа явуулдаг шашны 162 сүм хийд бүртгэлтэй байдгаас огт бүртгэлгүй 60 сүм, хийд байдаг аж. Албаны эх сурвалжийн мэдээлснээр мөн тооны шашны сүм хийд нууцаар үйл ажиллагаагаа явуулж байгаа гэнэ.
Улаанбаатарт үйл ажиллагаа явуулж байгаа дээрх сүм хийдийн 64 Будда, 90 Христ, Бөөгийн зургаа, бусад урсгалын шашны байгууллага хоёр байдаг юм байна. Дээрх шашны байгууллагуудын албан ёсны зөвшөөрөлгүй салбар нь хөдөө, орон нутагт цөөнгүй байдаг. Гадны улс орнуудад насанд хүрээгүй хүүхдүүдийг шашны үйл ажиллагаанд татан оруулах, мөн ахуйн хэрэгцээний бараагаар хуурч хүмүүсийг шашиндаа оруулахыг хориглосон байдаг аж. Гэтэл манайд үйл ажиллагаагаа явуулж байгаа сүм, хийдүүд нь ихэвчлэн бага насны хүүхэд болон ядуу иргэдийг ууж, идэх зүйлээр хуурч шашиндаа татан оруулахыг оролддог нь нууц биш. Бүр хэн хүнд амар олдоод байдаггүй хотын төвийн байршил сайтай газруудад гадны шашныхан барилга байгууламжаа бариад, тухалчихсан байх нь цөөнгүй.
Гэхдээ манайх шиг эмзэг бүлгийн хүмүүстээ анхаарал тавьдаггүй, тэднийг хүний тооноос хасах шахсан улс оронд бол гадны сүм зарим талаар ач тусаа өгөх нь бий. Үүнийг үгүйсгэх эрх хэнд ч байхгүй. Зарим айлын хүүхдүүд христэд итгээд гадаад хэл сурч гэнэ, юмыг сайн талаас нь харж сурсан байна гэх мэтчилэн сайн сайхан зүйл бишгүй л сонстдог.
Уг нь манайх буддын шашинтай болохоор христийн шашныг давуу байлгахгүй гэсэн хязгаар тавьдаг гэнэ. Харин өнөөдөр энэ хязгаар алдагдаж христийн сүм хийдүүд буддынхаас олон байгаа нь дээрх тооноос харагдаж байна. Хамгийн харамсалтай нь хувь хүний бодол санаа нь төлөвшөөгүй өсвөр насны хүүхдүүд харийн шашинд итгэгч болж байгаа явдал юм. Энэ нь монгол ёс заншил, шашин зан үйлээсээ хөндийрөхөд хүргэж байгаа гол хүчин зүйл учраас тэр.
Эдгээр шашны байгууллагуудын зарим нь хашаа эсвэл, орц хонгил түрээслэчихээд хүмүүсийг шашиндаа итгүүлэхийн тулд янз бүрийн арга хэрэглэдэг. Бүр шашиндаа хэт итгэсэн зарим нэг өсвөр насныхан амиа хорлож байсан тохиолдол ч бүртгэгдэж байсан билээ.
1993 онд батлагдсан шашны байгууллагуудын тухайн хуулинд тухай орон нутгийн иргэдийн хурал өөрсдөө дүрэм журмаа батлаад зөвшөөрлөө олгодог. Өөрөөр хэлбэл, Улаанбаатар хотод өөр журам, Ховд аймаг өөр журамтай байдаг гэсэн үг. Энэ мэтчилэн хуулийн цоорхойг ашиглан ядуу буурай иргэдэд элдэв щашны урсгалыг нэвтрүүлэх гэсэн оролдлого байсаар л байна.Түүнчлэн Монгол Улсын хууль ёс, дүрэм журам, зан үйлд харшлахгүй бол гадны сүм хийдүүд үйл ажиллагаагаа явуулах боломжтой байдаг юм байна. Сүм хийдүүдийн үйл ажиллагаанд Нийслэлийн иргэдийн хурлын төлөөлөгч хяналт тавьдаг. Гэхдээ сүм хийдүүдийн дотоод үйл ажиллагааг тэр бүр хянаад байж чаддаггүй. Боломж ч хомс. Гадны сүм хийдийн асуудал нь үндэсний аюулгүй байдалтай холбоотой байдаг.
Тиймээс харийн шашны байгууллагад өнөөдрийнх шиг замбараагуй эөвшөөрөл олгоод байвал цөөхөн хэдхэн монголчуудыг хагаралдуулахгүй гэсэн баталгаа байхгүй юм. Тиймээс энэ олон зөвшөөрөлтэй, зөвшөөрөлгүй шашны сүм хийдүүдэд тавих хяналтыг өндөржүүлэж, санхүүжилт нь хаанаас хэрхэн орж ирж байгааг нягталж үзэх нь зүйтэй болов уу.
Хуулийн цоорхойгоор элдэв шашны урсгалыг нэвтрүүлэх нь хэнд ашигтай вэ?
April 20, 2009
Subscribe to:
Post Comments (Atom)
Санал болгох мэдээнүүд
-
Сүүг маш олон төрлөөр, маш олон янзаар боловсруулан хэрэглэдэг угсаатан бол Монголоос өөр хаана ч байхгүй. Хожим Түвдүүд Монголчуудаас цаг...
-
Монгол ардын тууль бол монголчуудаас дэлхийн аман зохиолын эрдэнэсийн санд оруулсан дорвитой хувь нэмрийн нэг мөн юм. Тэгээд ч Монгол туул...
-
Үндэстэн болохоор өөрийн үндэстний язгуур эрх ашиг байх ёстой. Тиймээс ч энэхүү язгуур эрх ашгийг хамгаалах гэж өвөг дээдсүүд минь халуун ...
-
Хүндлэх ёс: Баядууд өвөг дээдсээсээ уламжлан үеийн үед өвгөд настан, ахмад хүмүүс, эцэг, эх, ах, эгч дүүсээ хүндлэн дээдэлсээр ирсэн эртний ...
-
Үндэстний үзэлтнүүд заавал үзэх ёстой ярилцлага. Монголчуудын уг гарвал, сэтгэхүйн онцлог, нүүдлийн мал ажуйн соёлын талаар маш сонирхолтой ...
-
Гуравхан сая гаруй хүн амтай Монгол улс байтугай гуч, дөчин саяар ярих хүн амтай томоохон улс орнууд хорин нэгдүгээр зуун эхлэхээс...
-
Үндсэн хуулийн гол агуулга нь хувийн өмч, хувь хүний эрх ашгийг хамгаалсан байгаа цагт хэн ч улс төрд сонгогдсон улс үндэстнийхээ дайсан бол...
-
О.Цэвэгдорж Доктор /PhD/ профессор Түлхүүр үг: Монголчууд дэлхийн соёл иргэншилд чухам юу юугаар нэрээ гаргаж ямар хувь нэмэр оруулсан бэ?...
-
Эцэг хүний 5 эрдэм 1. Уужим ухаан 2. Хатан зориг 3. Бат журам 4. Өрх гэрийн түшиг 5. Үр хүүхэдийн сүр сүлд Гэрийн эзний 5 жур...
-
Нэг бус найз нөхөд, таньдаг хүмүүс маань “Чи нэр дэвшиж байгаа юм уу? Бусад яриад чи өөрөө чимээгүй юм. Тодорхой болгох хэрэгтэй” гэж асуу...
Сонирхолтой нийтлэлүүд
* Дэлхийн 3-р дайны золиосууд
*З.Батсүх: Хятадын генерал Монголд тоосго зөөж, шавар зуурч тагнуул хийж байсан
*Сэрэмжлүүлэг № 1: Хүнсний аюулгүй байдал — хортой сүү, самар. АМАРЛИН
*“Улс үндэстнийг үгүй хийх”ОРЧИН ҮЕИЙН АРГА ТЕХНОЛОГИ
*ЭХ ХЭЛНИЙ БОДЛОГО ҮНДЭСТЭН ОРШИХЫН БАТАЛГАА
*Босоо бичгийн боомилогдсон хувь заяа*Хятадтай банзалдсан Монголын улс төрчидөөс болгоомжил!
*Ардчилалын далбаан доорх луйварчид
*Дээгүүр албан тушаал хашсан 200-хан хүн л...
*Цэ өвгөн Ши Яншань буюу Балингийн Цэрэндорж гэгч хэн байв?
*З.Батсүх: Хятадын генерал Монголд тоосго зөөж, шавар зуурч тагнуул хийж байсан
*Сэрэмжлүүлэг № 1: Хүнсний аюулгүй байдал — хортой сүү, самар. АМАРЛИН
*“Улс үндэстнийг үгүй хийх”ОРЧИН ҮЕИЙН АРГА ТЕХНОЛОГИ
*ЭХ ХЭЛНИЙ БОДЛОГО ҮНДЭСТЭН ОРШИХЫН БАТАЛГАА
*Босоо бичгийн боомилогдсон хувь заяа*Хятадтай банзалдсан Монголын улс төрчидөөс болгоомжил!
*Ардчилалын далбаан доорх луйварчид
*Дээгүүр албан тушаал хашсан 200-хан хүн л...
*Цэ өвгөн Ши Яншань буюу Балингийн Цэрэндорж гэгч хэн байв?
0 Сэтгэгдэл:
Post a Comment
Хэрэв та зочин бол Аnonymous сонголтыг хийж сэтгэгдэл үлдээнэ үү!
Хүндэтгэсэн : www.mongolchuudaa.com