Хүмүүсээ амьддаа бие биенээ хайрла!

Мессенжирт үлдээсэн нэгэн оффлайн мэдээг уншаад хүний сайхан сэтгэл, итгэл амьдрал гээчийг дахин нэг бодож үзэх болсноо хэлэх юун...! Тэгээд тэрхүү бүсгүйн хүсэлтээр түүний илгээсэн мэдээг нийтлэж байна.
Монголчуудаа...
Амьддаа бие биенээ хайрла!
Алив сайхан үгээ бусдаас битгий харамла.

Хүмүүсээ миний Буянаад урам хайрла

Хөл дээр нь босгож чадах ид шидтэй үг хайрла
Миний хэмээн дотночилон дууддаг цөөхөн хэдэн хүний маань нэг хүнд өвчинтөй тэмцэн өдөр өдрөөр дөхөн ирэх үнэнийг ухаарч ядан байгаа энэ үед та бүхэндээ хандан үгийн гуйлга гуйж суунам . Оюун ухаан итгэл үнэмшилийн хүч бол бие организмд үүссэн өвчинг ялан дийлж чадах цорын ганц хүчин зүйл юм .Тэрхүү хүч чадлыг дүрэлзүүлэн асааж чадах ид шидтэй гайхамшигт үг хайнам .Үгийн үнэ цэнэ шидэт утгын тунгаан бодох саруул ухаантай түүнд минь худлаа цэцэрхэл хуурамч бялдуучилал биш үнэн сэтгэлийн урмын үг бичээрэй .Хамгийн сайхан захидал хамгийн үнэн үг илгээж хүч чадал урам хайрласан хүнд би чин сэтгэлийн нандин билэг илгээе. shidetem2010@yahoo.com хаяг руу майл бичнэ үү!
Буянбатын тухай товчхон
МУИСыг нийгмийн ухаан улс төр судлаач мэргэжилээр төгсөж Солонгос улсад мастeрийн зэрэг Их Британи улсад докторын зэрэг хамгаалсан Монголын маань өндөр боловсролтой эрдэмт хөвгүүдийн нэг билээ.
Хүний нутагт олон жил эрдмийн мөр хөөсөн оюутаны амьдралаасаа боломж гарган Монгол түмэндээ тусалсаар явна.Солонгос улсад байх хугацаандаа Бат нэгдэл ТББ байгуулж эрх нь зөрчигдөж зовж зүдэрч яваа олон монгол хүмүүст хууль эрхийн дэмжлэг туслалцаа үзүүлсэн билээ.Одоогоор Их Британи улсад Оюунлаг Бүтээлч залуучуудын club байгуулан орон гэргүй өнчин ядарсан хүүхдүүд болон Эх нялхасийн төвийн тасгуудыг тохижууулах зэрэг олон ажлуудыг хийж байна.Дэлгэрэнгүй сонирхвол http://www.mglcharity.com/
Ухаалаг хүнлэг энэ залуу маань хавдар хэмээх аюулт өвчин тусаж олон мянган сэтгэлийн хүмүүсийн дэм тус өөрийн агуу их тэсвэр тэвчээрээр хоёр удаагийн маш хүнд хагалгааг амжилттай даван гарсан ч одоогоор биейин байдал сайнгүй Их Британи улсад эмчилүүлж байгаа юм.Сурсан мэдсэнээ эх орондоо зориулж хийж эхэлсэн хийхээр төлөвлөсөн ажлуудаа дуусгах хүсэл маань миний амьдралд хоргодох хамгын том шалтгаан гэж ярих Буянаад минь зориулж захиа бичээрэй Одоогоор олон хүнтэй харьцах боломжгүй байгаач удахгүй эдгэрээд инээгээсэй ихийг хийж бүтээж урт удаан амьдраасай хэмээн өөр өөрийн шүтдэг бурхан шүтээндээ залбираарай