Гахайн ханиаднаас урьдчилан сэргийлэх зөвлөгөө


Уг өвчний халдвар нь хүнээс хүнд томуу, томуу төст өвчний нэгэн адил агаар дусал, ахуйн хавьтлын замаар халдварлана. Өвчний нууц үе ихэвчлэн 1-7 хоног байдаг.

Илрэх шинж тэмдэг: Халуу­рах, нус гоожих, ханиалгах, толгой өвдөх, хоолой өвдөх, булчингаар өвдөх, тамирдах, сульдах, бөөлжих гэх мэт бидний мэдэх ердийн томуугийн үед илэрдэг шинж тэмдгүүд илэрнэ. Бүх насны хүмүүс ялангуяа идэр насныхан зонхилон өвчилж байгаа аж.

Урьдчилан сэргийлэлт: Одоогоор өвөрмөц урьдчилан сэргийлэлт вакциныг орон бүхэнд гаргасан зүйл байхгүй. Үйлд­вэрлэх шатандаа явж байна. Хамгийн гол нь хүн бүр эрүүл ахуй, ариун цэврийн дэглэмийг сайтар сахих шаардлагатай. Үүнд: ханиаж найтаах үед ам, хамрыг алчуур, сальфеткаар таглах, гараа сайтар савандаж угаах, өвчтэй хүнтэй хавьтал болохоос аль болох зайлсхийх, нүд, ам, хамарт бохир гараар хүрэхгүй байх, аминдэмээр баялаг хоол хүнс хэрэглэх, гэр орондоо чийгтэй цэвэрлэгээ хийж, 2 цаг тутамд агааржуулж байх, онцын шаардлагагүй тохиол­долд өвчлөл гарсан оронд зорчихгүй байх, олон хүн цуг­ласан газраар сэлгүүцэхгүй байх, бие засах газар, ариун цэврийн өрөөний суултуур, гар угаагуурыг нэг хувийн хло­рамины уусмалаар халдвар­гүйжүүлж байх,

Эмнэлзүйн шинж тэмдэг илэрсэн тохиолдолд харъяа эрүүл мэндийн байгууллагуудад яаралтай хандах шаардлагатай.

Өвчилсөн хүн асарч байгаа тохиолдолд хэрхэх вэ

• Өвчилсөн хүнийг бусдаас дор хаяж 1 метрээс дотогшгүй зайнд тусгаарлах

• Өвчтэй хүнийг асарч буй тохиолдолд ам хамраа таглаж, амны хаалт зүүх

• Өвчтэй хүнд хүрэлцсэн тохиолдол бүрийнхээ дараа дариу гараа савантай бүлээн усаар сайтар угаах

• Өвчтэй хүн байгаа өрөө тасалгааны агаарын солилцоог сайжруулах, хаалга цонхоор цэвэр агаар оруулж байх.

• Гэр ахуйн өргөн хэрэг­лээний ариутгагч бодис хэрэг­лэж орчныг цэвэр байлгах.

Өөрөө өвчилсөн тохиол­долд хэрхэх вэ?

Хэрэв та халуурах болон хаиалгаж, хоолой өвдөх зэрэг зовиуртай байгаа бол:

• Ажил, сургуульдаа явалгүй гэртээ байж, олны хөл хөдөлгөөн ихтэй газраар явахгүй байх

• Шингэн юм их хэмжээгээр ууж, амрах

• Ханиалгаж, найтаах то­хиол­дол бүрийд нэг удаагийн хэрэглээний амны алчуураар ам хамраа таглаж, хэрэглэсэн алчуураа даруй зохих ёсоор хаяж устгаж байх

• Ханиалгаж, найтаасны да­раа гараа савантай бүлээн усаар сайтар угааж байх

• Гэр бүлийн хүмүүс болон найз нөхөддөө өвчилсөн тухай­гаа мэдэгдэж, бусад хүмүүсээс өөрийгөө тусгаарлах

Хэрэв танд халдвар авсан шинж тэмдэг илрэх юмуу эм­нэлгийн тусламж хэрэгтэй гэж үзвэл дараах арга хэмжээг авна уу:

• ХӨСҮТ-ийн 100 эсвэл 454921 дугаарын утсанд залгаж зөвлөмж авах

• Утсаар холбоо барих бо­ломж­гүй болон аргагүй тохиол­долд эмнэлгийн байгууллага луу явахдаа ам, хамраа бүрэн таг­ласан амны хаалт хэрэглэх ёстойг анхаарна уу.


0 Сэтгэгдэл:

Post a Comment

Хэрэв та зочин бол Аnonymous сонголтыг хийж сэтгэгдэл үлдээнэ үү!
Хүндэтгэсэн : www.mongolchuudaa.com

Санал болгох мэдээнүүд

Бүх мэдээний сан

О.Дашбалбарын агсны тухай сайхан номыг шууд унших, буюу татаж авахаар орууллаа
Зөвлөмж: Энэхүү Цагаагчин гахай жилийн хувьсгал номыг уншихын тулд баруун доод буланд байгаа дэлгэц томруулах товчийг дараад бичгийн хэмжээг нэмэх хасахаар тохируулаад уншаарай.

Чухал видео бичлэгүүдийг томруулаад үзээрэй

www.mongolchuudaa.com ©Бүх мэдээлэлийг эх сурвалж дурдаад хуулж болно!Мөнх тэнгэр ивээх болтуухай!.

ДЭЭШ буцах