С.Авирмэд докторт эрүүгийн хэрэг үүсгэсэнтэй холбогдуулан Улсын их хурлын гишүүдэд хандсан уриалга

Монгол Улсын Их Хурлын Эрхэм гишүүдээ
УИХ-ын сонгууль ойртсон энэ богинохон хугацаанд та бүхэн Монголын олон зуун геологич бидний багш, эгэл ард түмний баатар С.Авирмэдийг сонгуульд өрсөлдөгч хүчнийхээ нэр хүндийг унагаахын тулд буруутган эрүүгийн хэрэг үүсгэж байгаа нь геологчид бидний дургүйцлийг хүргэж байна.

Монголын үндэстний үзэлтнүүд ГАЛ ҮНДЭСТЭН холбоог дэмжиж байна!

ГАЛ ҮНДЭСТЭН холбооны хамт олон Монгол нутгийнхаа бүрэн бүтэн байдал, шударга ёс, байгал дэлхийнхээ төлөө ТӨР түмнийхээ төлөө тэмцэхээр боллоо.Энэ сонгуульд өөрсдийн төлөөллийн хүмүүсээ оролцуулж Монгол нутгийг хар тахал мэт нөмөрсөн авилгал хээл хахуультай тэмцэж , эмх замбараагүй олгогдсон лиценцүүдийг цуцлуулж, гол ус, уул хангайгаа хамгаалах гэж байна!
Монголчуудаа бидний ирээдүйн төлөө, Монгол нутгийнхаа төлөө тэмцэж яваа ГАЛ ҮНДЭСТЭН холбооны залуусыг дэмжье!
БИД ИРЛЭЭ!...(зураг, нийтлэл үзнэ үү!)

Швед дэх Монголчууд Хятадын улс төрийн хорт бодлогыг эсэргүүцэв!

 Уриалга ! Өвөр Монголчуудаа!
Хөх толбот эзэн Чингис хааны удам, хийморилог Монголчууд минь ээ!Мөнх тэнгэрээс бидэнд заяасан Монгол нутгийнхаа төлөө,   халуун амиа хайрлахгүй тэмцэж явсан агуу дээдсийн түүх балраагүй байна.
Та бидний амьдарч байгаа энэ цаг үе бол өвөр Монголын ОРШИХ, ЭС ОРШИХИЙГ шийдэх нэгэн чухал цаг мөч билээ.

Эсэргүүцлийн жагсаал

Хятадын төрөөс өмнөд Монголд явуулж байгаа улс төрийн хорт бодлого, хүний эрхийн дарангуйлалыг Монголчууд бид эсэргүүцэж жагсаал зохион байгуулж байна!
Элэг нэгт өмнөд Монголчуудыгаа тусгаар Монгол улсын иргэд бид дэмжих цаг нь болжээ! Эсэргүүцлийн жагсаал:
5-р сарын 10-ний пүрэв гаригийн 12 цагт Тусгаар тогтнолын талбайд болно.
Өнөөдрийн өмнөд Монголын эмгэнэлт түүх маргааш Монгол улсад тохиолдож болохгүй!
Цааш нь дамжуулна уу!

Уриалга

Монгол газар, нутаг бэлчээр, Монгол үндэстнийхээ эрх чөлөөний төлөө, Хятадын колончлогчдын эсрэг зоригтойгоор тэмцээд ,алтан амиа алдсан Мэргэн, Зоригт, Сүхболд нарын гэгээн дурсгалд хүндэтгэл үзүүлье!

2010 оны 4 сарын 23-ны өдөр Монгол улсын Дорноговь аймгийн Айраг сумын малчин Т.Сүхболд,

2011 оны 5 сарын 10нд өвөр Монголын Шилийн гол аймгийн баруун Үзэмчин хошуунд малчин Мэргэн,

2011.10 сарын 20нд Их зуу аймгийн Уушин хошууны малчин Зоригт нар Монгол нутгаас их хэмжээгээр байгалийн баялагыг дээрэмдэн, байгал орчинд нөхөж болошгүй хохирол учруулж байсан Хятадуудаас

Уриалга

Уриалга
Монгол үндэстний эрх чөлөө, газар нутгийнхаа бүрэн бүтэн байдлын төлөө тэмцэж яваад амь эрсэдсэн Өвөр Монголын Мэргэн, Монгол Улсын Т.Сүхболд нарын гэгээн дурсгалыг хүндэтгэж элэг нэгт Монгол ах дүүс нэгдэн эсэргүүцлийн жагсаал зохион байгуулж байна.

Уг жагсаалаар хүний эрхийг ноцтойгоор зөрчиж байгаа Хятадын коммунист нам, Монголын засгийн газар, шүүх цагдаа, тагнуулын хууль бус ажиллагааг эсэргүүцнэ. Эсэргүүцлийн жагсаал маргааш 5 сарын 29ны 11 цагт МУИС-н 2-р байрны өмнөөс 11 цагт хөдөлнө.

Монголын Үндэстэний Үзэлтнүүдийн Сонордуулга!!!

Бид өнөөгийн Монголчууд 1990 оноос хойшхи Монголын төрийн бодлогыг эргэн харж, бодит байдлыг харьцуулан дүгнэлт хийх цаг нэгэнт болжээ.

Бид ямар үзэл санаагаар удирдуулан, хэнд хөтлөгдөн, хаана хүрэхээр, хичнээн замаар, юу уруу тэмүүлж байна вэ? Бидний хүрэхээр зорьж буй нийгмийг Монгол улсын Үндсэн Хуулинд: Эх орондоо хүмүүнлэг, иргэний, ардчилсан нийгэм цогцлуулан хөгжүүлэхийг эрхэм зорилго болгоно гэж заасан байна. Энэ нь “ардчилагчид”-ад багадаад энэрэнгүй,

МОНГОЛЫН НИЙТ АРД ТҮМЭНДЭЭ ХҮРГЭХ УРИАЛГА

 2011.04.19. Улаанбаатар хот Монголчууд аа! Өнөөдөр Монгол Улсын маань уудам тэнүүн газар нутаг өмнөөсөө Өмнөговь Оюутолгой, Тавантолгойн асар их баялагтайгаа, баруунаасаа Увс Ховд Хөшөөтийн нүүрс, цагаан алттайгаа, зүүнээсээ Дорнод, Дорноговь уран, нефтийн баялагтайгаа гадныхны эзэмшилд орж, улс орон тал талаасаа хумигдан жижгэрч, газар сайгүй тээрмийн чулуунд бутлагдах адил улс орон сүйтгэгдэж байна. Нийгмийн амьдрал бүхэлдээ доройтож, харийн хар гартны хуруу хумс нь болсон эрх баригч луйварчдын гайгаар улс орны оршин тогтнохуйн үндэс нь улс

Гал Үндэстэн холбоог дэмжье Монголчуудаа!

Гал үндэстэн холбооноос Монголоо гэсэн зүрх сэтгэлтэй хүн бүхнийг Улс үндэстнийхээ язгуур эрх ашгийг дээдлэн бүгдээрээ хэлэлцье сэдэвт хэлэлцүүлгээ эхэлж Сүхбаатарын талбайд өнөөдөр гэр барилаа.
Хэлэлцүүлэг өдөр бүр Сүхбаатарын талбайд өдөр бүр 12:00-19:00 цагийн хооронд болно. Эх орноо, улс үндэстнээ, газар шороогоо гэсэн сэтгэлтэй Монгол хүн та бүхнийг хүрэлцэн ирж идэвхтэй оролцохыг уриалж байна.

Уриалга! Монголчуудаа анхаар!

Маргааш 4сарын 19нд Сүхбаатарын талбайд 09-12.00 хооронд Гал үндэстэн холбооноос жагсаал зохион байгуулна. Жагсаалд олон холбоод, бүлгэм, хувь хүмүүсээс гадна 100 гаруй морьтон залуус оролцохоо мэдэгдсэн байна. Та бүхэн төрийн далбаагаа мандуулж хамтдаа Улс үндэстэнийхээ төлөө тэмцэлд нэгдээрэй.Цааш нь дамжуулж тус болно уу!

Уриалга

Монгол улс, үндэстний язгуур эрх ашгийг дээдлэгч Монгол хүмүүн танд уриалах нь:
Гал үндэстэн холбооноос Монголоо гэсэн зүрх сэтгэлтэй хүн бүхнийг Улс үндэстнийхээ язгуур эрх ашгийг дээдлэн бүгдээрээ хэлэлцье сэдэвт хэлэлцүүлэгт урьж байна.Хэлэлцүүлэг Сүхбаатарын талбайд өдөр бүр 12:00-19:00 цагийн хооронд болно.
Та бүхэн өргөнөөр оролцоно уу хэмээн уриалж байна.

Монголоо гэсэн зүрх сэтгэлтэй бүхэнд хандах Уриалга

Монголоо гэсэн зүрх сэтгэлтэй бүхэнд хандах

Уриалга

Цогт эх оронч Ц.Мөнхбаяр нараа бүхий арга хэрэгслээр хамгаалцгаая!

Монгол улс үндэстэн маань өнөөдөр хэдэн арван чиглэлийн геноцидэд өртөн, үхэх сэхэхийн зааг дээр зовж шаналан байна. Нэг чиглэлийн геноцид нь - ашигт малтмалын неоколоничлол юм.
Харийн неоколоничлогчид болон, тэдний дотоодын хамсаатнууд Монгол улсын газар нутгийн аль их алт баялагтай дийлэнх хэсгийг эзэмшиж, цөлмөн дээрэмдэж, байгаль орчныг хордуулан хувхайруулж, монгол хүнийг гишгэх газаргүй, амьдрах аргагүй болгож ирэв.
Энэ талаар зовнин бичдэг, хэлдэг хүмүүс цөөнгүй. Харин жинхэнэ амь бие хайргүй, шийдэмгий тэмцсэн хүмүүс бол Ц.Мөнхбаяр болон, түүний нөхөд - Б.Төмөрбаатар, С.Самбуу-Ёндон, Д.Баяраа нар юм.
Байгаль хамгаалагчдын "Нобелийн шагнал" гэгдэх Голдманы шагналыг хүртсэн нэр хүндтэй зүтгэлтэн Ц.Мөнхбаяр ахуй амьдрал, аюулгүй байдлаа умартан, хууль зөрчигч харийн компаний техникийг буу онилон зогсооход хүрсэн билээ.
Урт удаан хугацааны, олон шатны тэмцэл нь зохих үр дүнг авч ирэхгүй байсан тул, эх орноо гэх халуун зүрх сэтгэлтэй тэд монголчууд бид бүхний төлөө энэ алхмыг,аргагүй хамгаалалтыг хийсэн юм.
Неоколоничлогчид Ц.Мөнхбаяр нарыг нь шоронд хийчихвэл болох юм байна гэж мунхаглан сэтгэж, тэднийг 5-8 жилээр яллах элдэв арга бачаа хэрэглэж байна. Монголоо гэх сэтгэлтэй эх оронч хүмүүс зөвхөн Ц.Мөнхбаяр, түүний нөхөд юм гэж үү.
Үгүй ээ, Монголын төлөө цохилох зүрх, лугших судастай мянга мянган эх оронч бий гэдэгт итгэж байна. Эв санаагаа нэгтгэж, Ц.Мөнхбаяр нарыгаа бүхий арга хэрэгслээр хамгаалцгаая. Харийн түрэмгийлэгчийн гэмт үйлдлийг таслан зогсоосноор, ял зэмд унах учиргүй ээ. Ц.Мөнхбаяр нарынхаа төлөө дуу хоолой, хүч зоригоо ч нэгтгэе, Ц.Мөнхбаяр, түүний нөхдийн адил, Монголоо гэсэн жинхэнэ зүрх сэтгэлтэй язгуурын монголчууд байцгаая!

Үндэстний үзэлтнүүдийн байгууллага бүлхэмүүд (ц.т.д):

Даяар Монгол

Даяар Хөх Монгол

Монгол Үндэстний Сүлжээ

Монгол Туургатны Хуралдай

Нэгдсэн Монгол

Сүлдэр

"Үндэстэн" нэгдэл

Хамаг Монгол

Хастанру

Хөх Монгол

Цагаан Хас

Уриалга! Монголчууд бидний мах цусны тасархай Өвөр Монголчуудаа дэмжих цаг ирлээ.

Тусгаар тогтносон Монгол улсын ард түмэн бид ч гэсэн түүхийн нухчаанд тусгаар тогтнолынхоо төлөө Өвөр Монгол ахан дүүсийнхээ хамт тэмцэж ирсэн түүх саяхан. 2011 оны тусгаар тогтнолоо сэргээн тунхагласны 100 жилийн ойн баярын өдрийг Өвөр Монголоос ирсэн(Барга) Манлайбаатар Дамдинсүрэн болонӨвөр Монголын зостын чуулганы харчин баруун хошуунд төрсөн Хайсан, Сумьяа, Өвөр Монголын Жирэмийн чуулганы өмнөд Горлос хошуунд төрсөн Ил Тарвагатайн өөлд гэр бүлд төрсөн

Өвөр Монгол өвгөн юу ярив? Анхааралтай үзнэ үү! Бичлэг!

Бид өөрсдийн элэг нэгт Монгол ахан дүүсээ өнөөдрийг хүртэл сайн ойлгож чадахгүй л явна. Тэдний зовлонг бидэнд хамаагүй мэт хол хөндий бодох юм. 1000 хоёр мянган жилийн өмнө түүхийн хүрдэнд эргэж салж бутарсан еврэй үндэстэн нэгдэж нэгэн улс байгуулсан түүх саяхан. Бүүр саяхан хоёр Герман нэгдэж одоо 20жилийнхээ ойг сүрлэг сайхан тэмдэглэж байна. Харин бид одоо ердөө л 1947 онд бусдад газар нутагтайгаа булаагдсан

Demonstration for the Release of Hada

Jan 8, 2011 12:00PM local time
December 10, 2010 marked the release date of Hada, founder of the Southern Mongolian Democratic Alliance, following a 15 year jail term served in Chifeng prison. In most countries of the world, someone who has served their sentence and paid their debt to society is released and allowed to join their family to rebuild their life. But in the case of Hada, his release date has passed and no official

Мэдэгдэл, уриалга

Дэлхийн бодлогод нөлөөлж чадахуйц оюунлаг нэгэн үндэстэн болох Солонгосууд үзэл санаа эрх ашгийн золиосонд өөр хоорондоо хагаралдан үл ойлголцож бусдын хатгалгаар дайн өдүүлж байгаад Дэлхийн Монгол туургатны хуралдай гүн эмгэнэл илэрхийлж байна. Солонгост ажиллаж, сурч, амьдарч буй Монголчууддаа болгоомж сэрэмжтэй байхыг анхааруулж уриалж байна

Уриалга.

Цогт эх оронч Даваасамбуугийн Мөрөнгийн гэгээн дурсгалыг хүндэтгэцгээе!

Өмнөд Монголын Сөнид хошууны хөвүүн Даваасамбуугийн Мөрөн ухамсарт бүхий амьдралаа Монгол үндэстний эрх чөлөө , язгуур оршихуйн төлөө зориулсан гэрэлт хүмүүн билээ.Монгол үндэстний өмнө тулгамдсан хурц асуудлууд, харийн хорт бодлого, өнгөрсөн түүхийн сургамж , Монголчуудын цаашдын замналын талаар түүний бичсэн дайчин нийтлэлүүд олон хүнд ухаарал сэхээрлийг хайрласан билээ.Тэрбээр зөвхөн бичиж нийтлүүлээд зогсолгүй харийн хорт бодлогыг эсэргүүцсэн эрсдэлтэй арга хэмжээнүүдэд оройлон оролцож байсан.Д.Мөрөнгийн маань бүхий л амьдрал Монголчуудын төлөө, тэмцэл эр зориг, гэгээн үйлс байсан юм.Бахархал дууриал болох баатар энэ хөвүүнээ Монголын ард түмэн мартах учиргүй ээ.Харин ч мөнхжүүлэн гэрэлтүүлэх учиртай. Саяхан швэдэд түүнийг оршуулсан газар бидэнд тодорхой боллоо.Тэр л газар цогт эх оронч хөвүүнээ хүндэтгэсэн хөшөө дурсгалыг бүтээцгээе!Түүний нийтлэл бүтээлүүдийг олны хүртээл болгон мөнхжүүлье. Энэ үйлс бол Монгол хүмүүн бүрийн эрхэм үүрэг гэж үзэж байна.Тиймээс Монголын төлөө цохилох зүрхтэй хэн бүхэнд бахдам эх оронч Даваасамбуугийн Мөрөнгийн дурсгалыг хүндэтгэх энэхүү үйлсэд хандив өргөн оролцохыг уриалж байна. Мөнхүү Даваасамбуугийн Мөрөн мэт Монгол үндэстнийхээ төлөө тэмцэж зүтгэж явахыг уриалж байна.
Монгол туургатны хуралдай ТББ
Монголын эрх чөлөө холбооны нам
Хөх Монгол бүлгэм
Цагаан хас бүлгэм
Нэгдсэн Монгол СДХ
Дэлхийн Монгол хэлтнүүдийн утга зохиолын нийгэмлэг
Монголын үндэстний үзэлтнүүдийн төлөөлөгчүүд

Энэхүү уриалгыг цааш нь тарааж, нийтлэж тус болно уу! баярлалаа.

Ч.Эрдэнэ: Их гурвалжин

Монголын Үндэстний үзэлтнүүд, үндсэрхэг үзэлтнүүд (=националист), эзотерикчид, мөн энгийн олон залуус ихээр иш татаж, анхааралаа хандуулаад буй Ч.Эрдэнийн "Их гурвалжин: угшил ба оргил" номын агуулгын жагсаалтыг энд тавилаа. Би бээр уг номыг одоогоос зургаа долоон жилийн өмнө уншиж байсан билээ. Хүмүүс уг номд түүний томьёолсон гэх их нэгдлийн физик математикийн онолыг агуулсан гэж буруу ойлгоод байдгийг ажигласан юм. Хүмүүс уг номыг шүтэн биширч, гайхах, зарим нь өөрийн ертөнцийг үзэх үзлийг өөрчиллөө гэж буй нь миний хувьд гайхах зүйл биш байлаа:

нэгдүгээрт уг ном маань маш товч тодорхой монгол хэлээр бичигдсэн, зохиолч маань хэлье гэснээ элдэв тойруулга далд санаагүй шууд бичиж буй явдал.
Хоёрдугаарт маш олон сэдэв, санаа, асуудлыг авч үзсэн нь. Тэдгээрийг энгийн тодорхой хэлээр илэрхийлсэн байдал. Гуравдугаарт монголчуудын, энгийн иргэдийн хувьд урьд хожид огт дуулж байгаагүй сэдвүүдийн талаар богино хэмжээний эссэ, ялангуяа монгол угсааны үүсэл гарлыг тайлах оролдлого орсон явдал.
Номын зорилго угаас үндэстний сэргэн мандалтад зориулагдсан гэх бөгөөд олон зүйлийн угсаа гарал Монголоос, Монгол үндэстнээс үүсэлтэй гэдгийг харуулахыг хичээсэн. Жишээлбэл сүүлийн жилүүдэд хас тэмдэг Монголоос гаралтай, Монголчуудын тэмдэг хэмээн үздэг хүмүүс олширсон. Энэ үзэл бодлыг анх олон нийтийн дунд гаргаж тавьсан хүн бол уг номын зохиогч.

Сэрцгээ ах дүү нарааУхаарцгаа ард түмэн минь…..!

Энэ хэсэг луйварчдын хар гайгаар Монгол оронд мандсан ардчилсан хувьсгал өөрийн үндсэн зорилгоос гажуудан үндэсний тусгаар тогтнол,монгол үндэстний бие даан оршин тогтнох язгуур эрх ашигт ноцтой аюул учраад байна.

Сэрцгээ ах дүү нараа

Ухаарцгаа ард түмэн минь…..!

Энэ замаар цаашид бид урагш алхаж үл болно.Өнөөдөр та магадгүй амжиргааны хэрэгцээгээ ханган амьдрал болж байна гэж тайвширан төрийн төлөө огтоно боож үхээд яах вэ гэсэн идэвхигүй байр суурьтай байгаа нийгмийн амьдралд оролцох юм бол маргааш танай үр хүүхэд, ач зээ нар тань орос,хятадын боол болох аймшигтай хувь заяа хүлээж байгаа гэдгийг санан сэрцгээ ах дүү нар минь.

Өнөөдөр Буриад, Халимаг,Шинжааны,Хөх нуур,Цайдамын,Өвөрлөгч орны Монголчууд ямар их хөөрхийлөлтэй амьдралаар амьдарч тухайн улс орныхоо нийгэмд эзлэх байр суурьгүй,эдийн засгийн болон оюун санааны асар их дарангуйлалд амьдарч эзэн Чингис хааны гал голомтыг сахиж буй бидэн лүү итгэл найдварын нүдээр харж байна.

Монгол үндэстний сэргэн мандлын түүхэн хариуцлагатай энэ үед амьдарч байгаа бид өөрсдийгөө харцгаа,ухаарцгаа…..! Айл гэрийн эзэн хүн ухаан мулгуу,ахуй амьдралаа зөв авч явж чаддаггүй арчаагүй хань, ажил,үр хүүхдээ тоодоггүй бол тэр айл гэрийн амьдрал зовлонгийн далайд умбадагтай нэгэн адил бид бүхнийг залж удирдана гэж сонгогдсон төрийн түшээд маань зөвхөн өөрсдийгөө бодож торго тосонд бялуурч ард түмнээ гаргуунд гаргасны гашуун зовлонг үүрэхийн дээдээр үүрч байна.

Монголчуудаа...!!!

May 19, 2009

Монгол үндэстэн өөрийн газар нутаг дээр мянга мянган оныг элээж аж төрсөөр ирсэн бөгөөд энэ хугацаанд Үндэстний давтагдашгүй онцлог шинж төрхийг хадгалсан агуу их соёл, түүхийг бүтээсэн ард түмэн билээ.
Монгол үндэстэн он цагийн эргэлтэнд хөгжин мандаж, бууран доройтсон нь цөөн бус боловч Үндэстний соёл, ёс заншлаа үеэс үед уламжлан үлдээж, газар нутаг эх орондоо эзэн нь байсаар өнөөг хүрсэн юм.
Гэтэл сүүлийн 19-н жилийн дотор зохион байгуулалт бүхий бүлэг этгээд Монгол Үндэстэний шилдэг хөвгүүд охидын зүтгэл тэмцэл, цус хөлс шингэсэн Монгол Улсын Тусгаар тогтнолыг ганхуулж, бүтээн босгосон барьж байгуулсан бүхнийг нь төрийн өмчийг хувьчлах нэрээр зувчуулж, гадагш дотогш зөөж үрэн таран хийж байна.

Тэд хувь хүний эрх ашгийг улс төрийн! хувийн өмчийг эдийн засгийн эрхэм зорилго! хэмээн тунхаглаж, энэхүү үзэл санаанд тулгуурласан 1000 гаран хуулийг батлан гаргаад байна.

Эдгээр хуулиудын хүрээнд бид халдашгүй дархан эрхээ хувьчилж!! эх орондоо харийнханд боолчлогдох, эх орноо харийнханд худалдах!! сэтгэхүй Монгол даяар “хар тахал” мэт тархаж байна.

Үндэстэний оршихуйн нэг үндэс газрыг хэн мөнгөтэйд нь дуудлагаар худалдаж, Үндэстний дахин нөхөгдөшгүй баялаг алт эрдэнэсийг Монголын хууль харийнханд шимтгэл авах төдийхнөөр зүгээр л өгчихөж байна!

“Ардчилал”-аар халхавч хийсэн зальт этгээдүүдийн боловсруулж гаргасан хуулиудын “ач”-аар Монгол Улс нийт газар нутгийнхаа хоёрны нэгийг лиценз хэлбэрээр гадна дотны хэн дуртайд нь олгоод байгаа бөгөөд Монгол Улсын газар нутгийн гуравны нэгийг харийнханы эзэмшилд нэгэнт өгчихөөд байна!

Ийнхүү эдгээр хуулиуд нь Монгол Үндэстэний эрх ашигт харшилж, Монгол Үндэстэн оршин тогтнох тулгуур үндсүүдэд халдаж, Монгол улсын Тусгаар тогтнол, аюулгүй байдлыг ганхуулж байна. Энэ бүхнээс дүгнэвэл Монгол Үндэстэн оршин тогтнох тулгуураа алдаж, Монгол үндэстэн түүний эрх ашгийг хамгаалж байгуулсан Монгол улс цаашид орших уу? эс орших уу? гэсэн амин чухал асуудал өнөөдөр Монгол үндэстний өмнө тулгараад байна.

Монгол улсад 30 гаруй нам улс төрийн үйл ажиллагаа явуулдаг боловч тэдгээр намуудын үзэл санаа, үйл ажиллагаа нь өөр хоорондоо ялгагдах зүйл бараг үгүй бөгөөд тэд “ардчилал” хэмээх мананд төөрч будилжээ.

Төөрч будилсан нь байхад зориуд төөрүүлж, будилуулж, ард түмнийг хуурч мэхэлж, итгэл сэтгэл дээр нь дөрөөлж буй зальт этгээдүүд Монголын улс төрийн намууд болон бусад хүчинүүдэд оршиж, Монгол Үндэстэний эсрэг бодлого боловсруулж, үйл ажиллагаагаа эрчимтэй явуулсаар байна!

Энэ нь сүүлийн 19-н жилд Монголын төрөөс батлан гаргасан хуулиудаас илэрхий харагдаж байна. МАХН төр барьж байна уу? АН төр барьж байна уу? Эсвэл олон намын эвсэл төр барьж байна уу? гэдгээс үл хамаарч, Монголын төр хувь хүний эрх ашгийг эрхэмлэж, ингэснээрээ Монгол Үндэстний эрх ашгийг уландаа гишгэж, үүний улмаас Монгол Үндэстний нэгдмэл байдал алдагдаж, дур зоргоороо авирлах үзэл – волюнтаризм газар авч, төргүй, засаггүй байх үзэл – анархизм гаарч, Үндэстний эсрэг гэмт хэрэг үй олноор гарах болж, түүнийг Монголын хуулиар хүлээн зөвшөөрч байна!! Энэ нь ард түмнийг улс төрөөс залхааж байна.

“Улс төр” бол тухайн Улсын ард түмний хүндэтгэн дээдэлж, хүрээлж байх учиртай ариун нандин зүйл билээ. Гэтэл Монголын улс төрийн намууд хүн ардаа “Улс төр” гэсэн хүндэт ойлголтоос залхааж, Улс төргүй буюу байсан ч хэн нэгэнд найр тавихад бэлэн болтол нь залхааж байна! Монголын улс төрийн намууд үүнийг хүсч байна!

Эсвэл хүсээгүй ч тэдний үйл ажиллагаа Монголын ард түмнийг ийм байдал руу түлхэж байна! Үүнийг хараад суух буюу Монгол Үндэстний мөхлийг хүлээх эрх агуу их Монгол Үндэсэний эс ширхэг болж төрсөн надад байсангүй.

Учир иймээс Үндэстний үзэлтнүүдэд, Эх орончдод, үндэсний, үндэсэрхэг хэмээгчдэд, ерөөс агуу их Монгол Үндэстний эс ширхэг болж төрсөн хүн бүрт энэ асуудал хамаатайн учир Эх орноо, Улс Үндэстэнээ хайрлах сэтгэл зүрхтэй Монгол хүн бүрт зориулан та олны мэргэн оюунд толилуулж байна. Болгоон соёрхно уу.